Marta o'qildi
Нафосат Аллашукурова..аслида ким эди?. Саломат Вафо
Мен бир ижодкор аёл сифатида рухий касалхона даҳшатларини жуда яҳши биламан. 2015 йил 28 майдан 14 июнгача Тошкент шаҳар рухий касалликлар касалхонасига мажбуран ташланганимда, уч кун шок ҳолатида карахт бўлиб қолганман. Уч кунгача туз тотмадим. Рухий касалликлар касалхонасида вақт тўҳтаб қолган эди. У ерда турли қиёфали соғ ва носоғлом, телбалар бор эди. Яқинда Хоразм вилояти Урганч рухий касалхонасига ташланган блогер Нафосат Аллашукурованинг холини тасаввур қилаяпман. Аммо, ҳозиргина Файсбукдан икки нафар эгизак қизларнинг онаси Нафосат Аллашукурова қари ота-онаси билан Тошкентда ижара уйда яшарди, деган хабарни ҳам ўқидим.
Ҳўш, оддий ..баъзи маълумотларда Жаҳон тиллари университетини тугатган 32 ёшлик блогер Нафосат.. шу вақтгача нималар билан шуғулланган ва у ким эди деган савол туғилади..Мана шу ноаниқ саволлар бугунги кунда халқаро ижтимоий тармоқ ҳисобланган Файсбук саҳифаларида баъзи профил эгалари... Нафосат Аллашукурова аввал ҳам норози хотин-қизларга ёрдам бергани учун қамалиб чиққан эди. У..яъни Нафосат қамалишидан бир кун олдин ...мен билан учрашган ва у ўзини ўлдираман” деган фикрни айтган дея таъкидламоқда...Айни шундай ҳукм.. баъзи кучлар тамонидан носоғ кўрсатишга, обрўсизлантирилиш учун нишонга олинган шаҳсларга қарши ишлатилади. Яъни” ўзимни ўлдираман,ҳамма менга душман..” деган фикр рухий носоғлом одамни классификация қилиш учун қўлланилади.
Бизнинг билганимиз..яъни ҳозирча Нафосат Аллашукуровага қўйилаётган айб..у гўё ўз ҳақ-ҳуқуқини талаб қилган журналист Маҳмуд Ражабнинг Тошкентгача пиёда “салб юриши”ни ёритгани экан. Биз интернет ва Файсбук саҳифаларида Маҳмуд Ражабнинг Туркиядан Муҳаммад Солиҳ асарларини олиб келгани ва Файсбукда шоир Муҳаммад Солиҳ ижодини оқлаш учун президентга хат ёзишда айбланаётганини ўқигандик. Мен бу ҳақида шоир Муҳаммад Солиҳ шаҳси ва президент номига уюштирилаган хатларга алоқам йўқлиги ҳақида Файсбукда қилган жонли эфирларим, баёнот ва мурожаатларим билан жамоатчиликка юзланган эдим.
Мен хоразмлик журналистлар Маҳмуд Ражаб, Давлат Назар номи атрофидаги шов-шувлар, президентга хат компаниялари орқасида нохолис одамларнинг катта ўйинлари борлигини айтмоқчиман. Кўп ижодкор журналистларни куйдириши лозим бўлган олов..ўша вақеалар туфайли Хоразмда ёндирилган эди. Аввало худонинг марҳамати ва Файсбук дунё жамоатчилигининг қўллови билан бу қора олов менгача етиб келмай қолди. Яратган эгамга шукроналарим бўлсин.
Асосий мавзу Нафосат Аллашукурованинг тақдири масаласига қайтамиз.. Бу блогер қизнинг қамалиши ва унинг тақдии атрофида турли ноаниқ ҳолатлар бор. Бу ҳақида фикрларимни баён этаман.
Биринчидан: Билишимизча Нафосат Аллашукурова жамоат тартибини бузди, деган айб билан 10 кун муддатда қамоққа олинди. Қамоқ муддати тугаганидан сўнг Урганч шаҳар рухий касалликлар диспансерига мажбуран ётқизилибди. Унинг яқинлари Н.Аллашукурова аввал ҳеч қачон рухий касалликлар билан оғримаганини айтишмоқда.
Жамиятда ўз фикрини айта оладиган, ўзининг мустақил фикрига эга одамларни рухий касалликлар касалхонасига ташлаш..совет давлатининг синалган тактикаси эди. 70 йил давомида миллионлаб рус зиёлилари ва миллий ўлкалар олим, шоир, ёзувчилари рухий касалликлар касалхонасига ташланиб “синдирилди”, букилди, инсон қиёфасидан чиқаришга эришилди.
Рухий касалликлар касалхонаси масаласи..менинг шаҳсим учун ҳам жуда эрта режалаштирилганини айтмоқчиман 2012 йилларда Юлдузхон қизимга ижтимоий тармоқларда дўст бўлиб юрган самарқандлик йигит бир таклифни айтган экан. “Юлдузхон, сизнинг онангиз жуда ўткир ёзувчи..менинг ҳолам Самарқанд рухий касалликлар касалхонаси бош шифокори, истасангиз, гаплашиб бераман, онангиз бевосита ўша ерда бўлиб ҳаётни ўрганиб асар ёзиб келади..” деган экан.Бу касалхона Ислом Каримовнинг жияни Жамшид Каримов бир неча маротаба ташланган мудҳиш бир муассаса эди. Бу воқеалар..юқорида ёзганимдай Тошкент рухий касалликлар касалхонасига ташланмасимдан олдин содир бўлган эди.Менинг содда ижодкор қизим “Она, юринг, бориб келайлик. Мен ҳам бораман, сиз Самарқандда қолиб асар ёзиб келасиз” деганди. Аммо.. она юрагим билан бу ерда қора режа борлигини англаган эдим.Бизни Юлдузхон билан ўша ерга ташлаб.. ҳеч ким билмайдиган вилоят шароитида .. ёпиб ташламоқчи бўлишган, чунки, мени Юлдузхондан бошқа сўрайдиган одамим йўқ эди.
Иккинчидан, ўн кун қамоқда сақланган вақтда Нафосат суд қилинганмикан, суд унга айблов эълон қилганмикан, бу саволлар очиқ қолмоқда. Агар Нафосат Аллашукуровага суд бирор айб қўймаган бўлса, блогернинг рухий касалликлар касалхонасига мажбуран ташланиши инсон ҳуқуқларига зид ҳолат ҳисобланади.
Учинчидан: “Чегара билмас журналистлар” халқаро ташкилотининг халқлар ҳуқуқи учун курашган журналистларнинг озодликдан маҳрум этилиши, рухий касалликлар касалхонасига ташланиши..Инсон ҳуқуқлари қонунларига зид эканлиги акс этган алоҳида бўлимлари бор.
Тўртичидан: Ёш бологер, икки нафар эгизак қизларнинг онаси Нафосат Алашукурова зудлик билан рухий касалликлар диспансеридан озод қилиниши лозим. Блогернинг ҳатти-ҳаракати ҳуқуқий ташкилотлар тамонидан ўрганилиб чиқиб, айби бўлса..жамоатчилик олдида эълон қилиниши лозим.
PS. Сўзимнинг оҳирида шуни айтмоқчиман. Биз Нафосат Аллашкукурова шаҳсини ўрганишимизга ягона манба бўлган Файсбук саҳифасида Сара Аллашукурова номи билан Нафосат Аллашукурованинг саҳифасини топдик. Телбалар касалхонасига ташланган Нафосатнинг ушбу саҳифаси қай даражада реал профил.. афсуски буни билмаймиз. Саҳифада оддий романтик, ижодкор қизнинг фикрлари ва постлари бор экан. У ўз постида “ташқаридан кучли кўринганим билан ичимдан жуда ожизман” деб ёзибди.
Дўстларим, бошига муаммо тушган ожизми, кучли одамларни ҳимоясига сўз айтиш бизнинг инсонийлик бурчимизга киради.
Нафосатнинг шаҳсини билмасам-да, бир сўз айтмоқчиман. Азалдан хоразмнинг хотин-қизлари жасур, довюрак ҳисобланади. Хоразм аёллари Хоразмшоҳлар лашкарининг марказида туриб душман билан жанг қилган экан. Табиатан, хоразм аёл-қизлари хўшрўй бўлса-да, водий аёлларидай хушмуомила, ширин сўз эмас. Хоразмлик аёллар мард ва саховатлилиги акс этган жуда кўп афсоналар бор.Балки, бу хоразмликларнинг сахролар ичида макон топиб яралишига сабаб бўлган Сулаймон девларидай қаҳрли ва девни мафтун этган паридай қайсар ва гўзал эканлигига ишорамикан..
Ёш боши билан бошига кўп савдо тушган Нафосатнинг қонида ҳам жасур “қирқизлар”нинг қони оққан бўлса ажаб эмас. Негаки, ҳақиқат учун кураш ва ҳақ сўз айтиш..бугунги кунда баъзи эркакларнинг ҳам фаолиятида кўринмайди.
Сизлардан илтимос, ёш қизни букиб синдирадиган рухий касалхонадан тезроқ озод этилишига овоз беринглар. Постга лайк қўйишингизни сўраймиз.
- - -