Marta o'qildi
"Майли юрагингда қолсин юрагим"...шеърлар. Гулнор Туғён.
Нидо
Илиқлик инган ишқ инжу кулгусин,
Интиқ соғинчлари ёзиб куртаклар
Кўнглимни қоплаган соғинч нидосин
Олиб кетар бўлди тутиб этаклар.
Кўнгил баҳорида тутмиш ғунчалар
Шокила япроғин очиб куртаклар
Муҳаббат қасрида тутмиш қизил гул
Бағримни тимдалар эзғилар буткул.
Тақдирни танлови мушкулми ё Раб.
Йўлимни тўсарлар нечун мўралаб.
Кўнгилга буйруқни бериб бўлмайди.
Кириб келар кимлар йўлак оралаб?
Кўнгил ҳилқатига ёпишган сўроқ.
Тиканларин санчар учқуни фироқ
Нигоҳим толди-я бунчалар йироқ.
Дийдор кутар онлар кўзим толдирди,
Эзғилаб бағримни ёшга тўлдирди
Хумор ҳилқатларда битган муҳаббат
Ширин оғушларда қиларми суҳбат?
Битмиш тун соғинчин етказар тонга
Нигоҳлар тушганда унсиз нидолар
Чирмашар кўнгилга яқин забонга
Кўз ёшин ичарми билмам адолар?
Азобин тортурга қолмади-я жон.
Паришон кўнгилга ботар ҳаяжон,
Туйғулар тамшаниб ичарми қонин,
Ҳисларни ҳадиги ётар чала жон.
Турткилаб вужудим уйғотар оққуш,
Кўзларим очолмай алағдами туш?
Хўрсинар оҳулар оқ тошлар сакраб,
Соддадил меҳрли кўнгимдаги қуш.
Юракка қўндими муҳаббат сачраб?
Унутманг
Бек ҳурмат қилганим бегим ўзингиз
Юрагим ардоғи айтар сўзингиз.
Кўнглимни қоплаган гумон ва шубҳа
Чўмдирар ҳаёлга балки ўзингиз?
Тоқатни тоқида ўтирар бойлик
Ўзингиздан билсам эмас чиройлик.
Кемирар соғинчга нарвон қўйсангиз,
Кўринар ишқимни кемирган жойи.
Майли куйдирингга агар тўйсангиз.
Гулингиз ишқиингизда бўлган сазойи.
Садпора бўламан энтикиб кимга?
Биларми кўнглимни айтсам гар жимга?
Жунунваш чеҳрамга боқманг узоқдан,
Қутулолмай қолган билмам тузоқдан.
Тузоқни қўйибсиз жим кетибсизда,
Индамай манзилга ҳам етибсизда.
Оҳ-воҳлар чекасиз туриб узоқдан.
Хабарингиз йўқ Шошдаги фироқдан
Келасизми дейман Шому Ироқдан?
Тонг отар шом ботар келасизми деб
Қалдирғоч ин қурди ўз ғамини еб.
Гулингиз ёш тўкар юрагини еб.
Саволга тутасиз қалбим яралаб
Гулингиз узатманг четдан саралаб.
Жароҳат битмайин босмангда тузни
Сиздайин кўрмадим юраги музни.
Муз ташлаб юрагим иллиқ жойини
Излар бўлдингизми ишқ ҳовузини
Ҳадидан ошибди сиз берган азоб,
Эшитмай дебсиз-да бирон товушни.
Унсиз йиғлаганин кўринг оққушлар,
Кўнгли кўнглим ўҳшаш сезди сарҳушлар.
Учиб кетай десам қанотимни сиз
Банд қилиб боғлабсиз билмам қаёнга
Соғинчим битайин дейман баёнга
Битилур баётим қоғоз бўлса ҳам
Қалам кўксим ўйиб битар битикни,
Босганми дейман-да кўнгилдаги ғам
Биларми оққушлар соғинч ошиқни
Бўйларин кўрсатиб мақташар ишқни.
Билмаган куйдирги куйдириб жоним
Олар бўлганмиди мақтаниб жоним.
Майли ол юрагим ўзингда қолсин
Асрагин лат емас қалбингга жойла
Майли муҳаббатдан майли жой олсин
Юрагим яширгин майли авайла.
Майли юрагингда қолсин юрагим
Унутма қалбимда яшар сўроғим.
2.jpg)
Куз овози
Ширин туйғуларга эргашар япроқ
Новдани силкитиб тутади титроқ
Жо айлар атрини яширгандай гул,
Яширмай қувончин жилмаяр бироқ.
Кўксин юлиб кетган шамолга қараб,
Ўзига келганда сочин тарар он
Кўзгуга боқади кўксига муштлаб.
Исин таратади ғунчалар хандон.
Тўкилар гул балдоқ сочилиб ерга,
Шомол учиради баргидан узиб
Билмам йиғлагандир новдаси бирга,
Қаддини тутолмай турар сузилиб.
Бармоғим текизсам сесканди бирдан
Кўзлари ёшланиб қирмиз атиргул
Инграган лолами анови қирдан?
Баҳорни соғинган сезиб шўрлик гул.
Тупроқ остидан ҳеч чиқаролмай бош
Сўлиб қолибди-я танаси буткул.
Кузни сариқ кўзи товланар ял-ял.
Мажнунтол шоҳлари этилган ҳиёл
Фалакда ўйланиб турарди хилол.
Баргларни намини чўқир қалдирғоч
Иссиқ ўлка излаб кетгани қачон
Бургут қўнолмаган сада қайрағоч.
Кўксин ерга тираб ухлайди қачон?
Қорли чўқиларга кўз ташлар нигоҳ,
Кузнинг шабодаси ёқар лайлакни
Музлаган оёғи этганми огоҳ.
Учиб юрар тонгда шўҳ капалакни,
Кўринмай қолгани совуқдан дарак,
Бир оёғин кўтариб олганди лайлак
Зарин куз пинжига кирганми малак?
Сариқ маржон сочар заминга дарахт.
Нозик уйқу тортар ухлайди карахт.
Баргидан ёзибди момиқ кўрпа ҳам,
Уйқуси ширинда очолмайин кўз
Ўлкамга мўралаб келганида куз.
Ишқ куйида
Сайр этиб гулшанда кўрдим ул гулмиди лоламиди?
Гулни кўксида ёрилган ғунчаси хуш ноламиди?
Рақс этур гушанда гулгун парирўй хуш чеҳраларми?
Гулбоғ ичра гулгун чеҳралар савдойи навомиди?
Куй чалар малакларми ва ё кўлдаги оққушларми?
Кўнгилни хуш айлаган гул муҳаббати саволмиди?
Дилни ром айлар куй авжида куйлабон жам ҳисларми?
Туйғулар туғён тортурда лаҳзаи ором бормиди?
Тортқилар ҳаёлим олур жон лаҳзаи маконида,
Балқир шўҳ садоларда ваҳ ҳушим олгани тормиди?
Лолага май қуйилдими ё май тўла косамиди?
Ёнар ишқи гулгун шароб айлагай маст равомиди?
Гулшанда гулга боқар нигоҳлар, қароши куйдирар,
Ўтми куйди муҳаббат жон илашур воҳ оловмиди?
Қаҳрабо қай кўнгилни хуш айлабон сийлар муҳаббат
Бағрима боғлар ўтида ваҳ ёндирар қаловмиди?
Куйдирур лабни чимчилаб оҳ ютар жонлар ичинда
Қайтарур қамчилаб кўнгилга ваҳ жон олар синовмиди?
Кўзларим ёшлаб тургон тафти олов аланга оташ,
Бағрима ўт қалар оташ ваҳ муҳаббат гуноҳмиди?
Гулшанда гулгун гулни шоҳида сайраган булбулим
Гулни берган ёр қошида ваҳ ўлтирган гувоҳмиди?
Гулни ҳидлаб маст бўлур кўнглим куйида адо бўлиб,
Гул чертур фиғон фаромуш ваҳ юракдаги оҳмиди?
Кўзи кўзимга ўҳшашки жумла жаҳоним ундадур
Тун кўксин чертибон уйғотур ваҳ фалакда моҳмиди?
Моҳитабон хилол аксин кўрибон кўзлар шодланур
Моҳи ишқ доми илинар гул муҳаббат меҳмонмиди?
Гулнор Туғён. Тошкент. 2024 йил.
Шеърлар Фэйсбук ва интернет саҳифаларидан олинди.
- - -