Marta o'qildi
"Сен менга баҳорнинг манзилини айт"...Ҳалима Авазмуҳаммад Жуманиёзова.
Кузнинг хаеллари ширин ва маҳзун,
Қушлар забонида эшилар ушшоқ.
Менга тикилади жуда ҳам қаттиқ
Дилнинг ярасидай кўпчиган тупроқ.
Барини унутгим келар шу лаҳза,
Босади рухимни қандайдир чарчоқ.
Ва кетишга қўймас этагим тортиб,
Кузак кулгусига тўлган бу чарбоғ.
Мен шодлик томондан келганман ахир,
Меники эмас бу қайғу билан дард.
Шамол,эй кузакни булғатган шамол,
Сен менга баҳорнинг манзилини айт!
Куз.Нью-Йоркда куз фаслида ёмғир кўп еғади.
Ёмғирларда саябонда кўча айланиш хуш еқади.
Пичирлаб ўз-ўзингга шеьрлар айтиш ҳам еқимли.
Ўтган умрингнинг салтанатида сенга ҳамроҳлик қилган,дўст деб атаган инсонларнинг ўз бекатларида тушиб қолгани,энди ўзинг еруғ манзиллар сари елғизоеқ йўллардан дадиллик билан кетаетганинг ҳам шарафли ҳам тақдирнинг ҳукмидир.Олам муаллифи,ягона зот -наққошимиз ўзи доимо ақл тафаккур бериб,рўлни оқилона бошқаришни ҳам ўзимизга ҳавола қилган…
Аллоҳим бизни ,кўпчилик тенгдош дўстларимизни Пайғамбар еши-63умр билан сийлади.
Шукронада ўтаётган кунларимиз учун ҳам Раббимга шукур!Буёғи эса яна ҳар кунимиз бизга берилган ҳадя-Аллоҳнинг мукофотидир!
Куз.Умрнинг кузи.Ҳадемай дарахтлар сариқ либосда бўлиб,япроқларини тўкади,ҳазонларни бир-бир босиб ўтиб,юрагинг яна баҳорни қўмсаетганини ҳис қиласан…
Куз ва қишнинг оралиғида дарахтлар чилдирма чала бошлайди,шовуллаган овозда ненидир куйлайди.
Кузнинг кўшиғини алвидо сўзини куни-тун куйлайверади.Қишга пешвоз чиқиб,унинг қўлларидан ушлаб,қалбларга хуш ёқувчи баҳорни севишини айтади…
Қорлар ва довуллар,чеккан заҳматлари эвазига яшиллик фаслига ҳам зориқиб етиб келади…
Илдизи бақувват дарахтлар яна барг чиқариб шовуллай бошлайди.Баҳор келади,ялпиз излаб кетган қизалоқ -гулбаҳор кўнгилларда яшариш ва яшаш иштиеқини ўйғотади.
Ҳар йили баҳорни кутган қалб билан чарбоғларни айланар эканман,ўтган умримга шукрона айтаман.
Дилимда такрорланаетган дуоларим тилимга кўчади…
Илоҳим ,оилаларимиз мустаҳкам,юртимиз тинч,кўнглимиз доимо Аллоҳимда,қўлларимиз меҳнатда бўлсин!
Биз бувижонлар эса,невараларимиз-келажаги учун қайғурғувчи,уларнинг орзуларининг ушалишида маьнавий -маьрифий кўмакчи,керакли маслаҳатларимизни аямаслигимиз ,уларга тиргак-дарахтлар бўлишимиз керак…
Узр…насиҳатга ўтиб олмай, ахир мен чарбоғда кезиб,утган умр,куз ҳақида ҳаёл қилаетган эдимку!
Азизлар ,илоҳим барчангизни юз ёшли куз билан юзма-юз келишларингизни истаетган қалбим билан сизга юзланиб,саломат бўлинглар,қадри баланд инсонларим дейман!
Кўнгилхотиржамлик,икки дуне саодатини тилаб,уммон ортидан сухбат истаган:Ҳалима Эртоғон.АҚШ.
Ношукур эмасман ,гўзал кун бердинг,
Гоҳида ойдиндан ойдин тун бердинг.
Берсанг шодлик тўла бир якун бергин,
Ахир сеникидир ишқ тўла қалбим,
Кафтингда шабнамдай титрайман ,Раббим.
Менинг жонимдадир,нақшдор аксинг,
Ҳар лаҳза яқиндир нурли нафасинг,
Тонглар жойнамозда тинглайман сасинг,
Ахир сеникидир ишқ тўла қалбим,
Кафтингда шабнамдай титрайман ,Раббим.
Ҳалима Авазмуҳаммад Жуманиёзованинг Фаёсбук саҳифасидан олинди.
- - -