Marta o'qildi
Жуманазар аканинг..баҳоси қанча... Саломат Вафо
Кеча 13 декабрь куни “Daryo.uz” да кейинги вақтларда замонамиз қаҳрамонига айланган Жуманазар ака руҳий касал деб эълон қилинди деган хабарни ўқидим.Бу қандай ҳолат..исталган одам шов-шув қилиниб кўкка кўтарилиб, сўнг “психбалница”га улоқтириладими?.Агар масала нимада эканлиги суриштирилса, Жуманазар аканинг самовий саргузаштлари шу йил октябрь ойида энг кульминацион даражага кўтарилганди.
Эй, дўстларим, шу кунгача ҳам бошимга тушган бирор воқеани жамоатчиликдан яширмаганман. Ўзим.. ёши улуғ инсон шўрлик Жуманазар ака ётқизилмоқчи бўлган руҳий касалликлар касалхонасига 2015 йил майида ташланганим учун яна қўлимга қалам олдим. Мен ўша касалхонада бошимдан кечирган кунимни ва бир умр ўша ёқда ётди деган тавқи - ланъатни кўтаришни ёши улуғ оддий ўзбекка раво кўрмасдим. Шунинг учун Жуманазар аканинг ҳаётини ҳақида маълумот олиш учун Googleдан қидирув бердим. Ўзга сайёрага чиқиб келган, унинг бошқа сайёрада 100 қизи, 20 нафар ўғли бор деган сохта фактларга дуч келдим. Отахон ерда бўлмаган зўр демократияни кўкда кўриб келди деган одамларнинг ичига ғулу солувчи информацияларни топа олдим, ҳалос. Жуманазар ака шу қисқа вақт ичида шундай машҳур бўлибдики, у ҳақида ёзмаган сайт, блогер қолмабди.Бу шўрлик ўзбекнинг саргузаштлари асосан Youtube каналига интервью шаклида жойлаштирилган экан. Ушбу манбаларни ўқиб машҳур миллиардер Илон Маск коинотга чиқаман деб миллион-миллион доллор сарфлаётганда, ўзимизнинг дўппи кийган оддий ўзбегимиз Жуманазар акани теп- текин самодаги ерга ўҳшайдиган планеталарга олиб бориб “ўйнатиб, сайр қилдириб” келишибди. Худо бераман деса шу эканда.
Айниқса аканинг интервьюси MY5 TV каналида намойиш этилаганидан сўнг..интернет олами жазавага тушиб, Жуманазар акани машҳур қилиб, сал қолганди ўзи тамоша қилиб келган космосга чиқариб юборишларига...
Ҳуллас, қидирувлар натижасида интернет сайтларида наманганлик Жуманазар ака деган умумий иборадан бошқа информация топа олмадим.
Ҳўш, наманганлик Жуманазар ака деб таъриф берилган одамнинг коинотга учиши ва саргузаштларини хайп қилишдан фойда кўрадиган одам, кучлар бормиди..
Бу қандай гап, жаноблар..Ўзбек жамиятига нима бўлган ўзи..Бутун халқ, қолаверса интернет олами...бечора, оддий ўз ҳаёллари билан яшаб юрган шўрлик ўзбек тақдиридан фейк информация яратишди. Қишлоқи ўзбекнинг жайдари, чойхонача ҳикоясини юқорида таъкидлаганимдай интернетнинг юзлаган троллари шишириб, шов-шув қилиб..жамиятни ларзага солишди. Жаноблар, бутун халқ гувоҳ-ку, агар.. мамлакатда.. шўрлик Жуманазар акани ўзга сайёрага учгани ва саргузаштларидан шов-шув ясашга манфаатдор кучлар бўлмаганда.. эндиликда телба деб топилган бу одам қандай қилиб Ўзбекистон телеканаллари, MY5 га кириб борарди. Аксарият интернет фойдаланувчилари "Жуманазар ака" деган одам..балки, йўқ одамдир деб ёзмоқда. Жамиятни асосий муаммолардан чалғитиш, фейк информация ва шов-шув уюштирилиши учун қандайдир кучлар тамонидан ўйлаб топилган типаж профилдир.Буни энди ким билади..
Кейинги жараёнларни кузатган одам Ўзбекистон жамиятида ҳатарли тенденция пайдо бўлганини гувоҳи бўлади.Бу иш шу тарзда амалга оширилмоқда.
Исталган одам жамият саҳнасига олиб чиқилади..сўнг Фейсбукда репортаж уюштириб юрган 32 ёшлик хоразмлик блогер Нафосат Аллашукурова каби "психодиспансерга " улоқтирилади.
Сўзим бошида таъкидлаганимдек, 2015 йил май ойида Тошкент шаҳар руҳий касалликлар касалхонасига улоқтирилганим учун оддий ўзбек қариясининг ҳимояси учун сўз айтмоқдаман. Менинг тақдирим бошқаларникига қараганда ҳам мураккаброқ, негаки ўша касалхонага ташланиб бир марта тамғаланганман. Энди мени бирон касалликда айблаш ва бўйнимга расмий маънода рухий касал деган айбловни осиш осонроқ бўлади.
Бу ситуацияларни анализ қилар эканман, Ўзбекистонда зиёлилар, ҳусусан менга ўҳшаган ижодкор хотин-қизлар учун ҳатарли ҳолат пайдо бўлганига ишонч ҳосил қилдим.Негаки, шу йил октябрь ойида автоҳалокатда вафот этган актириса Гавҳар Шариповага ўлимидан кейин ҳам шафқат қилинмади. Бечора актириса нуфузли раҳбар тамонидан руҳий касал деб эълон этилди. Зиёли ўзбек аёлларни руҳий касал атамаси билан тамғалаш учун “Гавҳар камида Вайнона Райдердек юлдуз бўларди, аммо..” номли мақолалар тезлик билан эълон қилинди.
Шу ўринда ўзим ҳақимда бир фикр айтмоқчиман. 2019 йил августь ойида Президентимиз Шавкат Мирзиёевга "мени Муҳаммад Солиҳ шаҳсига боғлаб озодликдан маҳрум этишмоқчи..руҳий касалликлар касалхонасига ташлашмоқчи деб"мурожаат қилган эдим. Афсуски, ўша вақтда менинг фарёдим ва мурожаатимга ҳеч ким ишонмади. Жиддий қарамади..Аммо, орадан кўп ўтмасдан Муҳаммад Солиҳни Ўзбекистонга келтириш юзасидан Фейсбукда имзо йиққан хоразмлик шоирлар.. Маҳмуд Ражаб қамалди. Шоир ва журналист Давлат Назар автоҳалокатдан вафот этди. Шу жараёнларни Фейсбукда ёритган Нафосат Аллашукурова .. мен Саломат Вафодай журналистларни озодликдан маҳрум этиш ҳаракати асосли бўлиши учун руҳий шифохонада ушлаб турилибди дея эълон қилгандим. Яна Фейсбукнинг юзлаган троллари ҳаракатга келиб Ортиқхўжаевга боғлиқ фейк информация ўзбек интернет оламини эгаллаб олди.
Фикримнинг исботи сифатида:икки нафар эгизак қизларнинг онаси Нафосат Аллашукурова ҳозирги кунгача Урганч шаҳар рухий касалликлар диспансерида мажбурий ҳолатда "даволанаётганини" таъкидламоқчиман.
Мен 11 йил давомида Ўзбекистон Телекомпаниясининг “Сиёсат” студиясида Олий мажлис фаолиятидан кўрсатувлар тайёрлаганман. Ўзимнинг “Жавҳар” муаллифлик кўрсатувимда 2005 йилларда Ўзбекистон қамоқхоналарида айбсиз сақланган хотин- қизлар тақдири ҳақида кўрсатувлар тайёрлаб инсон тақдири ҳақида жиддий анализ ва тадқиқотлар олиб бориш тизимини ўрганган эдим. Озодликдан махрум қилиш муассасаларида айбсиз ётган кўплаб аёлларга ёрдам бера олганимни мамнунлик билан таъкидлайман. Шунинг учун ёзаётган мавзуга..ўзбек аёллари, Нафосат Аллашукурова ва ўзимга боғлиқ досьеларнинг юз фойиз ҳақиқат эканлигига кафолат бера оламан.
“Daro.uz” сайтида “Рухий касалликлар шифохонаси “ўзга сайёраликлар билан учрашган Жуманазар акага” ташхис қўйди” мақоласида шўрлик қария ҳақида жиддий айбловчи фактлар эълон қилган. Аминманки, Нафосат Аллашукуровага ҳам..ҳудди Жуманазар акани руҳий касаллиги ҳақида қулоч -қулоч досьелар тўплангандай, у ёш ва навқирон қизнинг касаллиги ҳақида "папка -папка" ҳужжатлар йиғилган эди..
Бу.. сўзим бошида ёзганимдек жамият саҳнасига чиқарилган ёш бир инсоннинг таназзулли қулаб тушишига яна бир мисол эди.
PS. Шов- шувлар қаҳрамони Жуманазар ака ..бу бечора одам қанча масҳара қилинди, кулгу, киноя этилди, ҳаёти аниктодларга айланди.. Ва оҳир -оқибат руҳий касал деб эълон қилинди. Бу одам..чиндан ҳам руҳий касал бўлса, унинг кимга зарари тегди..агар у одам тақдири ТВ, газета, сайтларга олиб чиқилмаса..ака ўзининг ҳикояларини қўни-қўшнисига айтиб тинч-осойишта яшаб юраверарди. У ҳар ким бўлса ҳам инсон-ку..ёши улуғ отахон-ку..унинг руҳий касал деб эълон қилинишидан ким ва қандай кучлар манфаатдор..
Қачондан бери Ўзбекистонда ёши улуғ инсонлар ва хотин- қизларга раҳм –шафқат қилинмай руҳий касал тамғасини ёпиштириш урфга айланмоқда.. Қачондан бери ўзбек минталитетига зид ҳолатда вафот этган аёл киши руҳий касал деб сазойи этиладиган бўлди.
Сўзимни оҳирида шуни таъкидламоқчиман,Нафосат Аллашукурова руҳий шифохонага ташланди, актриса Гавҳар Шарипова вафотидан сўнг руҳий касал деб эълон қилинди.
Наманганлик Жуманазар ака жамиятнинг энг баланд саҳнасига олиб чиқилди ва руҳий касалхонага улоқтирилди. Энди айтингларчи, Ўзбекистонда пайдо бўлган бу ҳафли тенденцияга ким жавоб беради. Улуғ ёшида бола-чақали, қуда-андали қишлоқи оддий ўзбек Жуманазар акани ҳимоя қиладиган кучлар борми?. Умуман, сазойи қилинган Жуманазар аканинг баҳоси қанча..Минглаган, миллионлаган Жуманазар акалардан ўзбек халқи ташкил бўлади. Ўзбекистон жамиятида оддий халқнинг қадр-қиммати борми..оддий халқнинг баҳоси қанча ўзи..
( Барча ўзбек зиёли хотин-қизларини, ҳусусан ўзимни ҳимоя қилиш учун "Ўзбекистон ёш хотин -қизлари орасида руҳий касаллик эпидемияси тарқалдими?"номли мақола ёзиб www.nurzamon.uz сайтида эълон қилган эдим. Мараҳмат ўқинг. Ўзбек аёлларига қарши қаратилган бу жараён режа билан давом эттирилаётганига амин бўласиз).
http://nurzamon.uz/article_view.php?id=793
- - -